លោកវរសេនីយ៍ទោ ដួង ស៊ីណែត ស្នងការរង អញ្ជើញបើកវគ្គសិក្សាស្តីពីការក្លែងបន្លំឯកសារសម្រាប់ធ្វេីដំណេីរ និងកំណត់អត្តសញ្ញាណអ្នកបន្លំធ្វេីដំណេីរ
- By Admin
- ធ្នូ ១៤, ២០២១
- 97
នៅវេលាម៉ោង ៩និង០០នាទីព្រឹកថ្ងៃ អង្គារ ទី១០កេីត ខែមិគសិរ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី១៤ ខែធ្នូ ឆ្នាំ២០២១ វរសេនីយ៍ទោ ដួង ស៊ីណែត ស្នងការរង តំណាងដ៏ខ្ពង់ខ្ពស់ លោកឧត្តមសេនីយ៍ទោ សាត គឹមសាន ស្នងការ នគរបាលខេត្តបាត់ដំបង បានអញ្ជេីញវគ្គសិក្សាស្តីពីការក្លែងបន្លំឯកសារសម្រាប់ធ្វេីដំណេីរ និងកំណត់អត្តសញ្ញាណអ្នកបន្លំធ្វេីដំណេីរ ។
វគ្គបណ្តុះបណ្តាលនេះត្រូវធ្វេីឡេីងរយៈពេលមួយព្រឹក ដែលធ្វេីបទបង្ហាញដោយក្រុមការងារនៃការិយាល័សន្តិសុខភូមិភាគ នៃស្ថានទូតអាមេរិកប្រចាំប្រទេសកម្ពុជា(RSO) ដែលមានលោក ម៉ែលវិន ផាក(Melvin JR Pacr) អនុព័ន្ធភ្នាក់ងារពិសេស និងលោក ជា សុខម៉េង អ្នកស៊េីបអង្កេតឧក្រិដ្ឋកម្មក្លែងបន្លំ ជាអ្នកបណ្តុះបណ្តាលផ្ទាល់។
សមាសភាពសិក្ខាកាមក្នុងវគ្គបណ្តុះបណ្តាលខាងលេីនេះមានចំនួន៣២នាក់ ដែលមានដូចជា អធិការរងទទួលកិច្ចការព្រហ្មទណ្ឌ នៃអធិការដ្ឋាននគរបាលក្រុងស្រុកចំនួន១៤នាក់ មេបញ្ជាការរងនៃវរសេនាតូចនគរបាលការពារព្រំដែនគោកចំនួន៤នាក់ នាយរងការិយាល័យនិងមន្រ្តីដែលពាក់ព័ន្ធចំនួន១៤នាក់។
វគ្គបណ្តុះបណ្តាលនេះបញ្ចប់ព្រឹកថ្ងៃដដែល សិក្ខាកាមទាំងអស់បានយកចិត្តទុកដាក់ក្នុងការរៀនសូត្រ ព្រមទាំងទទួលបានវិញ្ញាបណ្ណបត្របញ្ជាក់ការសិក្សាដែលចេញដោយ ក្រុមការងារនៃការិយាល័សន្តិសុខភូមិភាគ(RSO) នៃស្ថានទូតអាមេរិកប្រចាំប្រទេសកម្ពុជា។
រូបភាព :ទូច សុវណ្ណច័ន្ទថន
សម្រួលដោយ::សេី ម៉ារ៉ាដេត
