ដោយសារតែរឿងបែបនេះសោះបុរសម្នាក់យកពូថៅគប់លើកញ្ចក់រថយន្តពេលយប់នៅឃុំភ្នំសំពៅ ស្រុកបាណន់ ខេត្តបាត់ដំបង តែពេលនេះសតមត្ថកិច្ចស្រាវជ្រាវនិងឃាត់ខ្លួនបានហើយ
- By Admin
- វិច្ឆិកា ១១, ២០២២
- 213
ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់ដំបង មានកិត្តិយសសូមគោរពជម្រាបជូនសាធារណជន អ្នកសារព័ត៌មាននិងអ្នកនិយមប្រេីប្រាស់បណ្តាញសង្គមបានជ្រាបថា កាលពីយប់ថ្ងៃទី១០ខែខែវិច្ឆិកាឆ្នាំ២០២២វេលាម៉ោង៩និង៣០នាទីយប់នៅលេីដងផ្លូវជាតិស្ថិតនៅភូមិសាស្រ្តឃុំភ្នំសំពៅ ស្រុកបាណន់ ខេត្តបាត់ដំបងមានករណីជនសង័្សយមិនស្គាល់អត្តសញ្ញាណបានប្រេីប្រាស់ពូថៅគប់ទៅលេីរថយន្តមួយគ្រឿងដែលកំពុងធ្វេីចរាចរណ៍លេីដងផ្លូវ បណ្តាលឱ្យបែកកញ្ចក់រថយន្តខាងមុខ កៀបផ្លែពូថៅជាប់នៅក្នុងកញ្ចក់ តែមិនបានបណ្តាលឱ្យមានគ្រោះថ្នាក់ដល់មនុស្សនោះឡេីយ។
ពេលកេីតហេតុភ្លាមៗជនរងគ្រោះបានផ្តល់ព័ត៌មានដល់សមត្ថកិច្ចនគរបាលអំពីរឿងហេតុមួយនេះ។
ទទួលព័ត៌មានភ្លាមលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានដាក់បទបញ្ជាយ៉ាងហ្មឺងហ្មាត់ដល់លោកស្នងការរងទទួលផែនការងារនគរបាលព្រហ្មទ័ណ្ឌនិងលោកអធិការនគរបាលស្រុកបាណន់ធ្វេីការស្រាវជ្រាវស៊េីបអង្កេតជាបន្ទាន់ចំពោះករណីខាងលេីនេះ។
ឆ្លងតាមរយៈការស្រាវជ្រាវស៊េីបអង្កេតរហូតដល់ព្រឹកថ្ងៃទី១១ខែវិច្ឆិកាឆ្នាំ២០២២នេះសម្ថកិច្ចនគរបាលស្រុកបាណន់ ដែលមានលោកវរសេនីយ៍ឯកប៉ាន់ វ៉ាន់នី ជាអធិការនគរបាលស្រុកបានស្រាវជ្រាវរហូតឈានដល់ការឃាត់ខ្លួនជនសង័្សយខាងលេីបានហេីយ។
ជនសង័្សយមានឈ្មោះកយ កុសលហៅវ៉ិត ភេទប្រុស អាយុ៣២ឆ្នាំរស់នៅភូមិភ្នំសំពៅលិច ឃុំភ្នំសំពៅ ស្រុកបាណន់ ខេត្តបាត់ដំបង កំពុងធ្វេីការសាកសួរនៅអធិការដ្ឋាននគរបាលស្រុកបាណន់។
តាមចម្លេីយសារភាពបឋម ជនសង័្សយខាងលេីបានឆ្លេីយសារភាពប្រាប់សមត្ថកិច្ចថា ខ្លួនតែម្នាក់ឯងគត់បានប្រេីប្រាស់ពូថៅ ដងឈេីគប់ទៅលេីរថយន្តធុនធំមួយគ្រឿងនៅចំណុចកេីតហេតុខាងលេី កាលពីយប់ថ្ងៃទី១០ខែវិច្ឆិកាឆ្នាំ២០២២ ហេីយមូលហេតុដែលនាំទៅដល់ការគប់បែបនេះ គឺខ្លួនគេផឹកស្រាស្រវឹង ហេីយខូចចិត្តត្បតិប្រពន្ធរត់ចោលនាពេលថ្មីៗកន្លងមក។
ទោះជាបែបនេះក្តីសម្ថកិច្ចកំពុងធ្វេីការសាកសួរបន្ថែមនិងរៀបចំសំណុំរឿងបញ្ជូនមកអនុវត្តតាមផ្លូវច្បាប់ហេីយ។
ក្នុងនាមស្នងការនៃស្នងការដ្ឋាននរបាលខេត្តបាត់ដំបងសូមថ្លែងអំណរគុណចំពោះការចូលរួមផ្តល់ព័ត៌មានដល់សមត្ថកិច្ចនគរបាលពីសំណាក់ជនរងគ្រោះនិងមហាជនទូទៅ ដែលនេះគឺជាករណីកិច្ចយ៉ាងសំខាន់មិនអាចខ្វះបាន ដេីម្បីសមត្ថកិច្ចមានមូលដ្ឋានក្នុងការស្រាវជ្រាវស៊េីបអង្កេតស្វែងរកជនសង័្សយបានទាន់ពេលវេលា។
ដូចបានជម្រាបជូនខាងលេីសូមសាធារណជនអ្នកសារព័ត៌មាននិងអ្នកនិយមប្រេីប្រាស់បណ្តាញសង្គមមេត្តាជ្រាបជាព័ត៌មាន សូមអរគុណ៕(ក្រុមការងារប្រតិកម្មរហ័ស)By kosal!@@@
ប្រភព៖ ស្នងការដ្ឋាននគរបាលខេត្តបាត់ដំបង
