fbpx

ពងបែកមាត់ គឺជាដំបៅតូចៗដែលរាក់ៗនៅលើស្រទាប់ ស្បែកស្តើងៗដែលហៅថា Muquese ផ្នែកខាងក្នុងមាត់

  • By Admin
  • កុម្ភៈ ១៣, ២០២២
  • 247

ពងបែកមាត់ គឺជាដំបៅតូចៗដែលរាក់ៗនៅលើស្រទាប់ ស្បែកស្តើងៗដែលហៅថា Muquese ផ្នែកខាងក្នុងមាត់(ផ្ទៃខាងក្នុងថ្ពាល់ អណ្ដាត ផ្ទៃខាងក្នុងបបូរមាត់ ក្រអូមមាត់ និងអញ្ជាញ)
👉ពងបែកមាត់ចែកចេញជា៣ទំរង់:

– ទំរង់ស្រាល(Mineur): ដំបៅមានចំនួន១-៥ដែលមានទំរង់ជាពងក្រពើ(ទំហំពី២mmទៅ១០mm)ហើយវានឹងជាសះស្បើយទៅវិញដោយខ្លូនឯងក្នុងរយះពេល៧ទៅ១៤ថ្ងៃដោយមិនបន្សល់នៅស្លាកស្នាម(cicatrice)ទេ។

– ទំរង់ខ្លាំង(Majeure) :ដំបៅមានទំហំធំៗដែលមានទំហំលើសពី១០mmហើយគែមរបស់វាមិនស្មើគ្នាហើយវានឹងជាសះស្បើយទៅវិញក្នុងរយះពេល៦សប្ដាហ៍ហើយបន្សល់នៅស្លាកស្នាម។

– ទំរង់អេបពី (Herpiforme or miliaire):ពី១០-១០០​​​ដំបៅតូចៗ(ទំហំតូចជាង៣mm)គែមមិនស្មើគ្នាវាជាទៅវិញក្នុងរយះពេល១-២សប្ដាហ៍ដោយគ្មានបន្សល់នៅស្លាកស្នាម(cicatrice)។

👉រោគសញ្ញារបស់ពងបែកមាត់: ដំបៅតូចៗមួយឬច្រើននៅខាងក្នុងមាត់ផ្នែកកណ្ដាលរបស់ដំបៅមានពណ៌សមានទំរង់មូលឬពងក្រពើហើយគែមរបស់វាមានពណ៌ក្រហម ប្រភេទនៃការឈឺចាប់ដូចរលាកភ្លើងវាឈឺកាន់តែខ្លាំងនៅពេលដែលយើងនិយាយឬញាំអាហារ។

👉មូលហេតុ: មិនទាន់ដឹងច្បាស់ថាមកពីហេតុអ្វីអោយច្បាស់តែវាមិនមែនមកពីប្រភពនៃការឆ្លងរោគទេ(infectieuse)ហើយក៏មិនមែនមកបញ្ហាពីកំនើតដែរ(congenitale)។

👉កត្តាមួយចំនួនដែលជុំរុញអោយមានរោគសញ្ញាពងបែកមាត់មានដូចតទៅៈ

+ ការប៉ះទង្គិចផ្នែកខាងក្នុងមាត់:ដូចជាការធ្វើធ្មេញ ការវះកាត់នៅក្នុងមាត់ និងការដុសធ្មេញខ្លាំងពេក

+ អស់កំលាំងរាងកាយឬតប់ប្រម៉ល់(stress)

+ ការប្រតិកម្មជាមួយនឹងចំណីអាហារមួយចំនួនដូចជា:ចំណីអាហារដែលសំបូរជាតិ;អាស៊ីត(acide benzoique et le cinnamaldehyde) កាហ្វេ សូកូឡា ស៊ុត ។ល។

+ ចំនីអាហារមួយចំនួនដែលកង្វះនូវវីតាមីនB12 សង្ក័សី(Zinc) អាស៊ីតFolique ឬជាតិដែក

+ ការផ្ដាច់នូវការជក់បារី

+ ការឆ្លងដោយមេរោកក្រពះ (Helicobacter Pylori)

+ ថ្នាំមួយចំនួន:ថ្នាំប្រឆាំងនឹងការរលាក(ibuprofen) ថ្នាំបន្ថយចង្វាក់បេះដូង Bêta-bloquant (propranolol)

+ ការប្រែប្រួលរបស់អរម៉ូនដែលមានទំនាក់ទំនងនឹងការមករដូវ

+ ការប្រើប្រាស់ថ្នាំដុសធ្មេញដែលផ្ទុកដោយសារធាតុ Sodium Lauryl Sulfate

👉ការការពារកុំអោយមានពងបែកមាត់:

-អនាម័យក្នុងមាត់អោយបានត្រឹមត្រូវដោយប្រើច្រាសដុសធ្មេញដែលទន់ល្មើយ

-ចៀសវាងការនិយាយនៅពេលកុំពុងញាំហើយត្រូវទំពារអោយថ្នមៗដើម្បីកុំអោយប៉ះទង្គិចទៅលើស្រទាប់ស្បែក (Muqueuse) របស់មាត់

-គួរយល់ដឹងនៅប្រភេទអាហារមួយចំនួនដែលងាយនឹងប្រតិកម្មចំពោះអ្នក

-ចៀសវាងការប្រើប្រាស់ថ្នាំដុសធ្មេញដែលផ្ទុកសារធាតុ Sodium Lauryl Sulfate

👉ការព្យាបាល: ជាទូទៅវាជាវិញដោយខ្លូនដោយមិនចាំបាច់ព្យាបាល ​​​​​​​​​​​​ប៉ុន្តែយើងអាចប្រើថ្នាំមួយចំនួនដើម្បីកាត់បន្ថយការឈឺចាប់ដួចជា:

​​​​-ទឹកលាងមាត់

-ថ្នាំស្ពឹក(Gel or pomade)លាបដែលវាអាចការពារស្រទាប់muqueseនិងបន្ថយការឈឺចាប់

-ថ្នាំបំបាត់ការឈឺចាប់:Aspirine or acetaminophene (Tylenol,Acet,Tempra,ect)

-ករណីដែលមកពីចំនីអាហារកង្វះវីតាមីនយើងត្រូវបន្ថែមថ្នាំវីតាមីនច្រើនប្រភេទឬជាតិអំបិលខនិជ
ដោយ Dr.ណុប ប៊ុនធា

អត្ថបទពេញនិយម