លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង អញ្ជើញជាកិត្តិយស ក្នុងពិធីប្រកាសចូលកាន់មុខតំណែង អភិបាលនៃគណៈអភិបាលស្រុកបាណន់ ខេត្តបាត់ដំបង

ខេត្តបាត់ដំបង៖នៅថ្ងៃសុក្រ ៧រោច ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៦ ខែវិច្ឆិកា ឆ្នាំ២០២១ លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង បានអញ្ជើញចូលរួមជាកិត្តិយសក្នុងពិធីប្រកាសតែងតាំង លោក ស្រេង សុខា ជាអភិបាលស្រុកបាណន់ថ្មី ជំនួសឲ្យលោក ប៉ែន សារិយ៉ូ អភិបាលស្រុកចាស់ដែលបានចូលនិវត្តន៍ ក្រោមអធិបតី
ភាពដ៏ខ្ពង់ខ្ពស់របស់ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង ព្រមទាំប្រតិភូអមដំណើរ មានឯកឧត្តម លោកជំទាវ លោក លោកស្រី ប្រធានមន្ទីរអង្គភាព ស្ថាប័នពាក់ព័ន្ធជុំវិញខេត្តបាត់ដំបង។

ដោយមានការចូលរួម៖
លោកប្រធានក្រុមប្រឹក្សាស្រុកបាណន់ លោក លោកស្រី សមាជិកក្រុមប្រឹក្សាស្រុកបាណន់ ,លោក លោកស្រី តំណាងអង្គភាពប្រដាប់អាវុធឈរជើងក្នុងស្រុកបាណន់, អភិបាលរងនៃគណៈអភិបាលស្រុកបាណន់ ,នាយក នាយករងរដ្ឋបាលសាលាស្រុកបាណន់ , លោកអធិការ លោកមេបញ្ជាការនៃកងកម្លាំងទាំង៣ប្រភេទ ,ប្រធានការិយាល័យអង្គភាពក្នុងរចនាសម្ព័ន្ធសាលាស្រុក, លោក លោកស្រី មេឃុំ ជំទប់ ស្មៀនឃុំនាយប៉ុស្តិ៍នគរបាលរដ្ឋបាល និងប្រធានមណ្ឌលសុខភាព៕